لحب غلطه وتاليها عجيب
من حب سلم حياته للذياب
...
يلعب به الشوق ومزاج الحبيب
مره بصده ومره بالغياب
...
حَمَلْ وقع في يدين العم ذيب
غره كلامه ومعسول الخطاب
...
همسه ونظره عساها ما تخيب
لو كان يدري عواقبها خراب
...
أمسى يغني: رهيب والله رهيب
واصبح مسيكين ينعاه الغراب
...
باعه حبيبه لقى غيره حبيب
باعه بثمن بخس وبسعر التراب
...
باعه لدمعات عينه والنحيب
للشعر والنثر والوان العذاب
...
خلاه للنار واحضان اللهيب
ليته ترك عذر أو حتى عتاب
...
عيا ينادي ، وعيا يستجيب
محبوبه اللي شرد عنه وغاب
...
الحب ما هو عسل ما هو زبيب
الحب غلطه وتاليها عذاب